శుక్రుడి కన్యా సంక్రమణం: ధనుస్సు రాశి వారిపై ప్రభావం, పరిహారాలు

జ్యోతిష్య శాస్త్రం ప్రకారం, 2026 ఆగస్టు 1న శుక్రుడు సింహ రాశి నుంచి కన్యా రాశిలోకి ప్రవేశిస్తాడు. సెప్టెంబర్ 5 వరకు కన్యా రాశిలోనే ఉంటాడు. ఈ శుక్ర సంచారం ద్వాదశ రాశులపై వివిధ ప్రభావాలు చూపుతుంది. ధనుస్సు రాశి వారికి ఇది 10వ స్థానం (కర్మ స్థానం) కావడంతో ప్రత్యేక ఫలితాలను ఇస్తుంది.

ధనుస్సు రాశి నుంచి చూస్తే కన్య 10వ రాశి అవుతుంది. పదవ స్థానంలో శుక్రుడు ఉండటం వల్ల జ్యోతిష్య గ్రంథాల్లోని శ్లోకం ప్రకారం, మానసిక వ్యాకులత, శారీరక శక్తి క్షీణించడం, ధన నష్టం, శత్రు భయం, దాంపత్య జీవితంలో సామరస్యం తగ్గడం, స్త్రీ సుఖం తగ్గడం వంటి ప్రతికూల ఫలితాలు కలిగే అవకాశం ఉంది. ఈ సమయంలో ఖర్చుల విషయంలో జాగ్రత్తగా ఉండాలని, అనవసర వివాదాలకు దూరంగా ఉండాలని, ఇతర స్త్రీలతో పరిచయాల విషయంలో అప్రమత్తంగా ఉండాలని జ్యోతిష్యులు సూచిస్తున్నారు.

ఈ వ్యతిరేక ఫలితాలను తగ్గించుకోవడానికి పలు పరిహారాలు చెప్పబడ్డాయి. ఆగస్టు 1 నుంచి సెప్టెంబర్ 5 మధ్య వచ్చే శుక్రవారాల్లో నానబెట్టిన అలసందలు (బొబ్బర్లు) గోమాతకు తినిపించడం లేదా దేవాలయంలో దానం చేయడం శ్రేయస్కరం. స్నానం చేసే నీటిలో పన్నీరు లేదా కుంకుమ పువ్వు కలుపుకొని స్నానం చేయడం, శుక్రవారం ఉపవాసం ఉండి రాత్రి పాలతో చేసిన పాయసం తినడం వల్ల శుక్రానుగ్రహం లభిస్తుంది. లలితా సహస్రనామ స్తోత్రం చదవడం, ‘శ్రీమాత్రే నమః’ లేదా ‘ఓం శ్రీ రాజమాతంగ్యయై నమః’ వంటి మంత్రాలు జపించడం ద్వారా కూడా అనుకూల ఫలితాలు పెరిగి వ్యతిరేకత తగ్గుతుందని జ్యోతిష్యులు తెలిపారు.