శుక్రుడి కన్యా రాశి ప్రవేశం: వృశ్చిక రాశి వారికి ఆగస్ట్-సెప్టెంబర్లో శుభ ఫలితాలు

ఆగస్ట్ 1, 2026 న శుక్రుడు కన్యారాశిలోకి ప్రవేశిస్తాడు. ఈ గ్రహం సెప్టెంబర్ 5 వరకు అదే రాశిలో ఉంటుంది. ఈ కాలంలో వృశ్చిక రాశి వారికి శుక్రుడు 11వ స్థానంలో ఉంటాడు. 11వ స్థానాన్ని లాభస్థానం అంటారు. జ్యోతిష్యులు ప్రకారం, ఈ స్థానంలోని శుక్రుడు వృశ్చిక రాశి వారికి అనేక అనుకూల ఫలితాలు ఇస్తాడు.

శరీరానికి పుష్టి, కాంతి, బలం పెరుగుతాయి. శారీరక ఆకర్షణ, దేహ సౌందర్యం పెరిగి, మెరిసేలా మారతారు. కీర్తి, ప్రతిష్టలు లభిస్తాయి. మనసుకు ఇష్టమైన పనులను సులభంగా పూర్తి చేయగలరు. కోరుకున్న కార్యాల్లో విజయం సాధిస్తారు.

రుచికరమైన భోజనం, ప్రత్యేకించి పాల పాయసం వంటి వంటకాలు ఆరగించే యోగం ఉంటుంది. ధన, ధాన్య, సంపద లభిస్తాయి. ప్రతి పనిలో సంతోషం కలుగుతుంది. ఈ ఫలితాలు ఆగస్ట్ 1 నుంచి సెప్టెంబర్ 5 వరకు పొందవచ్చు.

ఈ శుక్ర సంచార ప్రభావాన్ని మరింత పెంచుకోవడానికి, శుక్రుడికి ఇష్టమైన పరిహారాలు చేయాలని పండితులు సూచిస్తున్నారు. ఈ కాలంలో వచ్చే శుక్రవారాల్లో నానబెట్టిన అలసందలు గోమాతకు తినిపించడం, లేదా తెల్ల వస్త్రంలో మూటగట్టి బ్రాహ్మణులకు దానం చేయడం మంచిది. సుగంధ ద్రవ్యాలతో స్నానం చేయడం, శుక్రవారం ఉపవాసం ఉండి రాత్రి పాయసం తినడం, లలితా సహస్రనామ పారాయణ, ‘శ్రీమాత్రే నమః’, ‘ఓం శ్రీ రాజమాతంగ్యై నమః’ మంత్రాలు జపించడం వల్ల శుక్రుడి అనుగ్రహం పొందవచ్చని జ్యోతిష్యులు తెలిపారు.