అంతర్జాతీయ గిరిజన దినోత్సవం: మాజీ గవర్నర్ విద్యాసాగర్ రావు శుభాకాంక్షలు

అంతర్జాతీయ గిరిజన దినోత్సవం సందర్భంగా మహారాష్ట్ర మాజీ గవర్నర్ సీహెచ్ విద్యాసాగర్ రావు అందరికీ శుభాకాంక్షలు తెలిపారు. జల్, జమీన్, జంగల్ నినాదాలకు ఊపిరి పోయాల్సిన దినం ఈరోజు అని ఆయన అన్నారు. కొమరం భీం వీరోచిత పోరాటం, త్యాగాల తర్వాత కూడా గిరిజన ప్రాంతాల్లో సగం మంది నాయకులు ఇంకా అణగదొక్కబడుతున్నారని, ఈ రోజు మనం ఎలా జరుపుకుంటున్నామో అది తెలియజేస్తుందని విద్యాసాగర్ రావు అభిప్రాయపడ్డారు.

ప్రభుత్వాలు వెంటనే ట్రైబల్ సబ్-ప్లాన్, పెసా చట్టాలను కఠినంగా అమలు చేయాలని ఆయన డిమాండ్ చేశారు. షెడ్యూల్డ్ ప్రాంతాల్లో నిరుద్యోగ గిరిజన యువతకు ఉపాధి, నైపుణ్యాభివృద్ధి అవకాశాలు కల్పించకపోతే కష్టాలు తట్టుకోలేరని ప్రభుత్వాలు గుర్తించాలని సూచించారు.