విజయ్ ప్రభుత్వ క్యాబినెట్‌పై కొల్లీవుడ్‌లో రెండు వర్గాలు

తమిళనాడులో విజయ్ ప్రభుత్వం ఏర్పడిన తర్వాత కొల్లీవుడ్‌లో అభిప్రాయ భేదాలు మొదలయ్యాయి. సినిమాటోగ్రఫీ శాఖను రాజమోహన్‌కి ఇచ్చిన నిర్ణయంపై నటుడు విశాల్ నేరుగా ప్రశ్నలు లేవనెత్తారు.

సినిమా పరిశ్రమపై అవగాహన లేని వ్యక్తిని సినిమాటోగ్రఫీ మంత్రిగా ఎలా నియమించారని విశాల్ సోషల్ మీడియాలో పోస్ట్ చేశారు. 30 సంవత్సరాలు నటుడిగా ఉన్న CM విజయ్ ఆ శాఖను తాను నిర్వహించివుంటే బెటర్ అని కూడా సూచించారు. మంత్రి రాజమోహన్‌ను కించపరచడం తన ఉద్దేశం కాదని చెప్తూనే ఆ వ్యాఖ్యలు వివాదాస్పదమయ్యాయి.

ప్రభుత్వ టికెటింగ్ వ్యవస్థ, local body tax రద్దు, చిన్న సినిమాలకు సబ్సిడీ పెంపు వంటి డిమాండ్లు కూడా విశాల్ ముందుకు తెచ్చారు.

విశాల్ వ్యాఖ్యలకు నటుడు అరుణ్ విజయ్ ప్రతిస్పందించారు. ప్రజల విశ్వాసంతో CM అయిన విజయ్‌ని గౌరవించాలని, విమర్శలు మాని పరిశ్రమ తరపున అండగా నిలబడాలని పిలుపు ఇచ్చారు. అరుణ్ విజయ్ పోస్ట్ కూడా సోషల్ మీడియాలో ట్రెండ్ అయింది.

నటుడు మరియు మక్కల్ నీతి మయ్యం పార్టీ అధ్యక్షుడు కమల్ హాసన్ CM విజయ్‌ని కలిసి శుభాకాంక్షలు తెలిపారు. OTT platform ప్రారంభం, entertainment tax రద్దు, రోజుకి 5 shows అనుమతి, 8 వారాల OTT window, full production incentive scheme, anti-piracy team ఏర్పాటు — ఇలా 6 డిమాండ్లతో వినతిపత్రం అందజేశారు.

సూపర్‌స్టార్ రజినీకాంత్ కు ఓడిపోయిన DMK నేత స్టాలిన్ తన మంచి స్నేహితుడని వ్యాఖ్యానించారు. ఇలా కొల్లీవుడ్‌లో నటులు రెండు వర్గాలుగా విభజించిన నేపథ్యంలో విజయ్ ప్రభుత్వం ఈ డిమాండ్లకు ఎలా స్పందిస్తుందో చూడాల్సి ఉంది.