బోరబండలో బోనాల వేడుకల్లో పాల్గొన్న కాంగ్రెస్ ఎమ్మెల్సీ విజయశాంతి

హైదరాబాద్‌లోని బోరబండలో నల్లపోచమ్మ అమ్మవారి ఆలయంలో ఆషాఢ మాసం సందర్భంగా బోనాల ఉత్సవం నిర్వహించారు. ఈ వేడుకల్లో కాంగ్రెస్ ఎమ్మెల్సీ విజయశాంతి ముఖ్య అతిథిగా పాల్గొని అమ్మవారికి ప్రత్యేక పూజలు చేశారు.

మాజీ కార్పొరేటర్ బాబు నిర్వహించిన ఈ కార్యక్రమంలో విజయశాంతి బోనం సమర్పించారు. ఈ సందర్భంగా ఆమె మాట్లాడుతూ ఆషాఢంలో జరిగే బోనాలు తెలంగాణకు ప్రత్యేకమైనవని తెలిపారు. మహిళలు అమ్మవారికి ఒడిబియ్యం పోసి బోనం సమర్పించడం తమ అదృష్టంగా భావిస్తారని అన్నారు.

నిర్వాహకులు భక్తులకు ఎలాంటి ఇబ్బందులు లేకుండా ఏర్పాట్లు చేయడం అభినందనీయమని విజయశాంతి చెప్పారు. అనంతరం తెలంగాణ ప్రజలందరికీ బోనాల పండుగ శుభాకాంక్షలు తెలిపారు.

మరోవైపు, విజయశాంతి తెలంగాణలో దొంగల సమస్యపై మాట్లాడుతూ మహిళలు జాగ్రత్తగా ఉండాలని సూచించారు. తెలంగాణను బంగారు బాతుగా కోసుకు తింటున్నారని విమర్శించారు.