విజయవాడ న్యూ GGH లో బయోవేస్ట్ నిర్వహణ లోపం: కుక్క శరీర భాగాన్ని తీసుకెళ్లిన సంఘటన

విజయవాడలోని న్యూ GGH ఆసుపత్రిలో బయోవేస్ట్ నిర్వహణలో తీవ్రమైన లోపం వెలుగులోకి వచ్చింది. ఈరోజు సాయంత్రం దాదాపు 7 గంటల సమయంలో ఈ సంఘటన జరిగింది.

ఆపరేషన్ ద్వారా తొలగించిన మనిషి కాలు బయోవేస్ట్ రూమ్ నుంచి బయటకు వెళ్లింది. ఒక కుక్క దాన్ని ఆసుపత్రి ఆవరణలో ఉన్న oxygen plant వద్దకు తీసుకెళ్లింది.

ఆసుపత్రి నిబంధనల ప్రకారం, శస్త్రచికిత్సలో తొలగించిన శరీర భాగాలను బయోవేస్ట్ రూమ్‌లో నిల్వ చేసి, ఆ రోజే పూడ్చిపెట్టాలి. ఆ నిబంధన సిబ్బంది పాటించలేదని ఈ సంఘటన స్పష్టం చేసింది.

ఈ దృశ్యాన్ని చూసిన రోగుల బంధువులు తీవ్ర ఆందోళన వ్యక్తం చేశారు. దూర ప్రాంతాల నుంచి చికిత్స కోసం వచ్చే రోగులకు ఇలాంటి సంఘటనలు భయాన్ని కలిగిస్తున్నాయని వారు పేర్కొన్నారు.

శరీర భాగాలను ప్రతిరోజూ నిబంధనల ప్రకారం పూడ్చిపెట్టాలని రోగుల బంధువులు డిమాండ్ చేశారు. ఈ విషయంపై GGH ఆసుపత్రి అధికారుల స్పందన తెలియాల్సి ఉంది.