విజయవాడ ఇంద్రకీలాద్రిపై శాకాంబరి ఉత్సవాలు నేటితో ముగియనున్నాయి

విజయవాడ ఇంద్రకీలాద్రి దుర్గమ్మ శాకాంబరి ఉత్సవాలు నేటితో ముగియనున్నాయి. ముగింపు సందర్భంగా అమ్మవారిని వివిధ రకాల పండ్లు, డ్రై ఫ్రూట్స్‌తో అలంకరించారు. ఈ అలంకరణ భక్తులకు ఆధ్యాత్మిక అనుభూతిని కలిగిస్తోంది.

ఉదయం పాత యాగశాలలో శాస్త్రోక్త పూజలు, మహా పూర్ణాహుతి, కలశోద్వాసన, మార్జనం, ప్రసాద వితరణతో ఉత్సవాలు సమాప్తం కానున్నాయి. చివరి రోజు ఆలయ ప్రాంగణాలు భక్తులతో కిటకిటలాడాయి.

తెలుగు రాష్ట్రాల నుంచి శ్రీశక్తి సేవా ట్రస్ట్‌కు చెందిన 80 మంది మహిళలు అమ్మవారికి చీరలు సమర్పించారు. పండుగలో పాల్గొనడం తమకు ఆనందంగా ఉందని వారు తెలిపారు.