వికారాబాద్‌లో అత్త భూమి రిజిస్ట్రేషన్ వివాదం: అల్లుడిపై ఫిర్యాదు

పరిగి మండలం నస్కల్ గ్రామానికి చెందిన చంద్రమ్మ పోలీసులకు ఫిర్యాదు చేశారు. తన అల్లుడు మల్లేష్ అదనపు భూమిని తనకు తెలియకుండా రిజిస్ట్రేషన్ చేయించాడని ఆమె ఆరోపించారు.

చంద్రమ్మ భర్త లేరు. ఆమె వ్యవసాయం చేస్తూ కూతురు లక్ష్మిని పెంచారు. ఒక కుమారుడిని దత్తత తీసుకున్నారు. లక్ష్మి నస్కల్ గ్రామానికే చెందిన మల్లేష్‌ను ప్రేమించి పెళ్లి చేసుకుంది. చంద్రమ్మ వద్ద మొత్తం 4 ఎకరాల 27 గుంటల భూమి ఉంది.

చంద్రమ్మ తన భూమిలో 1.5 ఎకరాలు దత్తపుత్రుడికి ఇవ్వాలని నిర్ణయించారు. కూతురు పేరిట 2.6 ఎకరాలు రిజిస్ట్రేషన్ చేయాలనుకున్నారు. అయితే రిజిస్ట్రేషన్ డాక్యుమెంట్లలో 2.6 ఎకరాలకు బదులు 3.6 ఎకరాలుగా మార్పు చేశారని ఫిర్యాదులో పేర్కొన్నారు. అదనంగా కూతురు పేరిట 1 ఎకరా 21 గుంటల భూమిని కూడా తనకు తెలియకుండా రిజిస్ట్రేషన్ చేయించినట్లు ఆమె ఆరోపించారు.

ఈ వ్యవహారంలో MRO కంప్యూటర్ ఆపరేటర్ కూడా సహకరించారని చంద్రమ్మ ఆరోపించారు. విషయం బయటపడిన తర్వాత ఆమె పోలీసులకు, తహసిల్దార్ కార్యాలయంలో ఫిర్యాదు చేశారు. దీంతో మల్లేష్ పేరిట చేసిన రిజిస్ట్రేషన్ పాస్ బుక్కులను అధికారులు నిలిపివేశారు. పోలీసులు దర్యాప్తు కొనసాగిస్తున్నారు.