మహారాష్ట్రలో రోడ్డు గుంతలో పడి టీడీఆర్‌ఎఫ్ జవాన్ మృతి

మహారాష్ట్రలో రోడ్డు గుంత ఓ జవాన్ ప్రాణం తీసింది. థానే డిజాస్టర్ రిలీఫ్ ఫోర్స్ (TDRF) జవాన్ వికాస్ గోరే తెల్లవారుజామున షాపూర్ నుంచి థానేకు ద్విచక్ర వాహనంపై వెళ్తుండగా ఈ ఘటన జరిగింది.

ఉదయం 5:30 గంటల సమయంలో రోడ్డుపై ఉన్న గుంతలో వికాస్ ద్విచక్ర వాహనం పడింది. టైరు పేలిపోవడంతో వాహనం అదుపుతప్పి రోడ్డుపై పడిపోయాడు. CPR చేసి ఆస్పత్రికి తరలించినా ఆయన ప్రాణాలు నిలువలేదు.

వికాస్ గోరే గతంలో భివాండిలో భవనం కూలిన ఘటన, బదలాపూర్ ఎక్స్‌ప్రెస్ ఘటనల్లో సహాయక చర్యల్లో కీలకంగా పాల్గొన్నాడు. ఆ ఘటనల్లో ఎంతోమంది ప్రాణాలను కాపాడిన జవాన్ మరణం TDRF బృందంలో విషాదం నింపింది.