విశాఖ పెట్టుబడులకు అత్యంత సురక్షితం.. అమరావతికి దేశ తొలి క్వాంటం కంప్యూటర్: సీఎం చంద్రబాబు

పెట్టుబడులకు విశాఖపట్నం అత్యంత సురక్షిత నగరమని ముఖ్యమంత్రి చంద్రబాబు నాయుడు అన్నారు. దేశంలోనే తొలి క్వాంటం కంప్యూటర్ అమరావతిలో రాబోతోందని కూడా ఆయన తెలిపారు.

ఏ పనిలోనైనా నమ్మకమైన భాగస్వామి ఉంటేనే విజయం సాధ్యమవుతుందని చంద్రబాబు చెప్పారు. అవకాశాలను అందిపుచ్చుకోవడంలో ఆంధ్రప్రదేశ్ ముందంజలో ఉందని ఆయన పేర్కొన్నారు.

పలు దేశాలతో వాణిజ్య ఒప్పందాలు చేసి ప్రధాని మోడీ ప్రపంచ మార్కెట్లను తెరిచారని కేంద్ర మంత్రి పీయూష్ గోయల్ అన్నారు. ఆ అవకాశాలను ఆంధ్రప్రదేశ్ ఉపయోగించుకుంటోందని ఆయన తెలిపారు. పరిశ్రమలు, డేటా సెంటర్లు ఏర్పాటు కావడం వల్ల స్థానికులకు భారీగా ఉద్యోగాలు లభిస్తున్నాయని ఆయన చెప్పారు.