కీబోర్డు సంగీతంలో విజయనగరం సత్యకు గిన్నిస్ వరల్డ్ రికార్డ్

విజయనగరానికి చెందిన సత్య ఈ ఏడాది ఫిబ్రవరిలో Guinness World Records లో చోటు సాధించారు. Hallelujah Music School ఆధ్వర్యంలో ఈ కార్యక్రమం ఆన్‌లైన్‌లో నిర్వహించారు.

ఈ రికార్డు కోసం సత్య గంట పాటు కీబోర్డ్‌ను నిరంతరంగా వాయించారు. Guinness ప్రతినిధులు Zoom ID ద్వారా కార్యక్రమాన్ని పరిశీలించారు. పోటీలో పాల్గొన్న వారందరూ కలిసి ఒక గంట పాటు వాయించడం ద్వారా ఈ రికార్డు సాధించారు.

సత్యకు రెండున్నరేళ్ల కుమారుడు, ఏడాది వయసున్న కుమార్తె ఉన్నారు. భర్త హరిబాబు పిల్లలు, ఇంటి పనులు చూసుకుంటూ సత్యకు సంగీతం నేర్చుకునేందుకు సమయం ఇచ్చారు. కుటుంబ సభ్యుల ప్రోత్సాహం తనకు చాలా సహాయపడిందని సత్య చెప్పారు.

London College of Music నిర్వహించిన STEP grade పరీక్షలో సత్య 100కు 100 మార్కులు సాధించారు. భవిష్యత్తులో మరిన్ని అవార్డులు సాధించాలని ఆమె అన్నారు.