వృశ్చిక రాశి జూన్ 21-30 ఫలాలు, పరిహారాలు

వృశ్చిక రాశి వారికి జూన్ 21 నుంచి 30 వరకు జ్యోతిష్యం ప్రకారం గ్రహాల సంచారం ఈ విధంగా ఉంటుంది. సూర్యుడు అష్టమ స్థానంలో, బుధుడు తొమ్మిదో స్థానంలో, కుజుడు సప్తమ స్థానంలో, శుక్రుడు తొమ్మిదో స్థానంలో సంచరిస్తున్నారు.

అష్టమంలో సూర్యుడు ఉన్నందున అనుకోని ఆరోగ్య సమస్యలు, కెరీర్లో కష్టపడితే గుర్తింపు రాకపోవడం, తండ్రి వైపు బంధువులతో ఇబ్బందులు ఎదురయ్యే అవకాశం ఉంది. ఈ దోషం నివారణకు నానబెట్టిన గోధుమలు బెల్లంతో కలిపి ఆవుకు పెట్టడం, లేదా ఎర్ర వస్త్రంలో గోధుమలు బ్రాహ్మణుడికి దానం చేయడం, సూర్య మంత్రం 'ఓం నమో భగవతే శ్రీ సూర్యాయ నమః' 12 సార్లు జపించడం సూచించబడింది.

తొమ్మిదవ స్థానంలో బుధుడు ఉండడం వల్ల విద్యార్థులకు పరీక్షల్లో ఆత్మవిశ్వాసం తక్కువగా ఉండటం, నిరుద్యోగులకు ఉద్యోగం రాకపోవడం, వ్యాపారంలో ఎదురుదెబ్బలు ఉండొచ్చు. పరిహారంగా గణపతి ఆలయ దర్శనం, 'ఓం గూం హేరంబాయ నమః' 21 సార్లు, పెసలు ఆవుకు పెట్టడం లేదా ఆకుపచ్చ వస్త్రంలో దానం చేయాలి.

సప్తమంలో కుజుడు ఉండి జీవిత భాగస్వామితో చిన్న విషయాలకే గొడవలు, భాగస్వామ్య వ్యాపారంలో మోసం, రియల్ ఎస్టేట్ నష్టాలు సంభవించవచ్చు. నివారణకు సుబ్రహ్మణ్యేశ్వర స్వామి ఆలయ దర్శనం, 'ఓం శరవణ భవాయ నమః' 21 సార్లు, కందులు దానం చేయాలి.

శుక్రుడు తొమ్మిదవ స్థానంలో ఉన్నందున ఆరోగ్యం మెరుగవుతుంది, జీవిత భాగస్వామి నుంచి సహాయం లభిస్తుంది, వస్త్ర వ్యాపారం లేదా బోటిక్ లాంటి వ్యాపారాల్లో లాభాలు, సంబంధాలు బాగుంటాయి.

ప్రత్యేక తేదీలు: జూన్ 21 భాను సప్తమి రోజు రాగి చెంబులో నీళ్లు పోసి ఎండుమిరప విత్తనాలు వేసి 12 సార్లు 'ఓం గృణి సూర్య ఆదిత్యోం' తో సూర్యార్ఘ్యం ఇస్తే ప్రమోషన్, ట్రాన్స్ఫర్ అవకాశాలు పెరుగుతాయి. అదే రోజు అంతర్జాతీయ యోగా దినోత్సవం, సూర్య నమస్కారాలు చేస్తే అదనపు ప్రయోజనం.

జూన్ 24 దశపాపహర దశమి నాడు గంగాజలం కలిపిన నీటితో స్నానం చేయడం వల్ల పది రకాల పాపాలు తొలగిపోతాయి.

జూన్ 25 నిర్జల ఏకాదశి రోజు నీళ్లు కూడా తీసుకోకుండా ఉపవాసం ఉండడం లేదా కనీసం పండ్లు, పాలు తీసుకొని ఉపవాసం ఉండడం వల్ల సంవత్సరం మొత్తం ఏకాదశుల ఫలం దక్కుతుంది.

జూన్ 29 ఏరువాక పున్నమి (జ్యేష్ట పౌర్ణమి) రోజు మర్రి చెట్టు చుట్టూ ప్రదక్షిణ చేయడం, పత్తి దానం, నువ్వులు దానం, నీటికుండ దానం చేయడం వల్ల దరిద్రం తొలగి, ఆర్థిక స్థితి మెరుగవుతుంది, శని దోషాలు తగ్గుతాయి.

గ్రహాల అనుకూలత కోసం పై పరిహారాలు చేయాలని సూచించారు.