తత్కాల్ టోకెన్ల సమయాల్లో మార్పు: పశ్చిమ మధ్య రైల్వే కొత్త విధానం ఆగస్టు 1 నుండి

పశ్చిమ మధ్య రైల్వే తత్కాల్ టోకెన్ పంపిణీ విధానంలో మార్పులు చేసింది. ఆగస్టు 1 నుంచి కొత్త విధానం అమల్లోకి రానుంది. గతంలో టోకెన్ తీసుకోవడానికి ఉదయం 8 గంటలకే కౌంటర్ల వద్దకు రావాల్సి వచ్చేది. ఏసీ, నాన్ ఏసీ తరగతుల బుకింగ్ వేర్వేరు సమయాల్లో మొదలయ్యేది. దీంతో ప్రయాణికులు గంటల తరబడి వేచి ఉండాల్సి వచ్చేది.

కొత్త విధానంలో టోకెన్ పంపిణీ సమయాలను బుకింగ్ ప్రారంభ సమయానికి దగ్గర్లోకి తీసుకువచ్చారు. ఏసీ తరగతుల టోకెన్లు ఉదయం 8.30 నుంచి 9 గంటల వరకు, నాన్ ఏసీ టోకెన్లు 9 నుంచి 9.30 వరకు ఇస్తారు. ఒకేసారి కౌంటర్ వద్దకు వచ్చి టికెట్ పొందవచ్చు.

ప్రతి రిజర్వేషన్ కౌంటర్లో టోకెన్ల సంఖ్య పరిమితం. ఏసీకి 10, నాన్ ఏసీకి 15 టోకెన్లు మాత్రమే జారీ చేస్తారు. రద్దీని బట్టి అధికారులు ఈ సంఖ్యను మార్చవచ్చు. టోకెన్ హోల్డర్ల బుకింగ్ పూర్తయ్యాక ఖాళీ స్థానాలను ఫస్ట్ కం ఫస్ట్ సర్వ్ ప్రాతిపదికన కేటాయిస్తారు.

ఈ నూతన వ్యవస్థలో రెండు ప్రాధాన్యత విభాగాలు ప్రవేశపెట్టారు. కేటగిరీ 'ఏ' కింద స్వయంగా ప్రయాణించేవారికి, కుటుంబ సభ్యుల కోసం బుకింగ్ చేసుకునేవారికి మొదటి ప్రాధాన్యం ఇస్తారు.