శ్రీరామపురంలో భార్య కుట్రతో భర్త హత్య: కిరాయి కిల్లర్ అరెస్ట్, హైమా కోసం గాలింపు

శ్రీరామపురం ప్రాంతంలో ఓ భర్తను హత్య చేసిన కేసులో భార్య హైమా, స్నేహితుడు గంగాధర్‌ ప్రధాన నిందితులుగా పోలీసులు గుర్తించారు. హత్యకు ముందు ప్రణాళిక రచించిన హైమా, ముగ్గురు వ్యక్తులను డబ్బిచ్చి పురమాయించిందని విచారణలో తేలింది.

పోలీసులు తెలిపిన వివరాల ప్రకారం, హైమా ఇంటి వెనక దొడ్డి తలుపు తీసి రాత్రి 12:30 గంటల సమయంలో నిందితులను లోపలికి పంపించింది. బాధితుడు మద్యం సేవించి గాఢ నిద్రలో ఉండగా హత్య జరిగినట్లు పోస్ట్‌మార్టం నివేదిక వెల్లడించింది.

హత్య తర్వాత హైమా స్వయంగా మృతదేహాన్ని పరిశీలించి, నిందితులకు రూ.1 లక్ష ఇచ్చి పంపించింది. ఈ డబ్బులను ముగ్గురు పంచుకోగా, రూ.20,000 అందుకున్న ఒక కిరాయి కిల్లర్‌ని అరెస్ట్ చేసి, అతని నుంచి రూ.19,000 నగదు, ఘటనకు ఉపయోగించిన బైక్ స్వాధీనం చేసుకున్నారు. మిగతా ఇద్దరు నిందితులు పరారీలో ఉన్నారు.

ప్రస్తుతం హైమా, గంగాధర్‌ అదుపులో లేరు. వారి కోసం పోలీసు బృందాలు గాలిస్తున్నాయి. ఈ విషయంపై మరిన్ని వివరాలు వెల్లడించాల్సి ఉంది.