చికెన్ కిలో రూ.240కి తగ్గినా అమ్మకాలు తగ్గాయి; మటన్ రూ.1,000

శ్రావణ మాసం నేపథ్యంలో చికెన్, మటన్ అమ్మకాలు తగ్గాయి. పూజలు, వ్రతాలు ఉండటంతో కొందరు మాంసాహారానికి దూరంగా ఉంటున్నారు. పెళ్లిళ్లు, పేరంటాల్లోనూ కూరగాయల భోజనాలే పెడుతున్నారు.

చికెన్ ధర కిలో రూ.300 నుంచి రూ.240కి తగ్గింది. అయినా అమ్మకాలు పుంజుకోలేదు. ఒక మటన్ వ్యాపారి మాట్లాడుతూ, గతంలో ప్రతి ఆదివారం 500 నుంచి 600 కిలోల మటన్ అమ్మేవారని, ఇప్పుడు అది 100 కిలోల వరకు తగ్గిందని తెలిపారు.

మటన్ ధర మాత్రం బోనాల సమయంలో కిలో రూ.1,000 ఉండగా, ఇప్పటికీ అదే ధర కొనసాగుతోంది. వినియోగదారుల రద్దీ 50 శాతం వరకు తగ్గినట్టు వ్యాపారులు చెప్పారు. గుడ్డు ధర కూడా కొంత తగ్గిందని వ్యాపారులు తెలిపారు.