విజయవాడ ఇంద్రకీలాద్రి దుర్గమ్మ ఆలయంలో రీల్స్ చేసిన మహిళ; భద్రతపై ప్రశ్నలు

విజయవాడ ఇంద్రకీలాద్రిపై ఉన్న దుర్గమ్మ ఆలయంలో ఒక మహిళ రీల్స్ వీడియో తీసి ఇన్‌స్టాగ్రామ్‌లో పోస్ట్ చేసింది. ఆలయంలో సెల్‌ఫోన్ వినియోగం పూర్తిగా నిషేధించారు. అయినప్పటికీ ఈ ఘటన జరగడంతో భక్తులు ప్రశ్నించడం మొదలైంది.

రాజగోపురం సమీపంలో ఉన్న ఆమె రీల్స్‌ను పోస్ట్ చేసిన వీడియోను గుర్తించారు. ఆ ప్రాంతానికి సమీపంలోనే ఆలయ ఈఓ కార్యాలయం, పాలక మండలి సభ్యుల కార్యాలయాలు ఉన్నాయి. మొబైల్ ఫోన్ నిషేధాన్ని ఉల్లంఘించి సెల్‌ఫోన్ లోపలికి ఎలా వెళ్లిందని, అధికారులు ఎందుకు అడ్డుకోలేదని స్థానికులు ప్రశ్నించారు. పోలీసులు ఈ విషయంపై దర్యాప్తు ప్రారంభించారు.

గతంలోనూ ఇలాంటి ఘటనలు చోటుచేసుకున్నాయి. ఆలయ ప్రధాన అర్చకుడు అమ్మవారి మూలవిరాట్ వీడియోను చిత్రీకరించి వాట్సాప్ స్టేటస్‌లో పెట్టినందుకు అతడిని విధుల నుంచి తొలగించారు. ఇంకో మహిళ అంతరాలయంలో వీడియో తీసిన విషయం కూడా వెలుగులోకి వచ్చింది. ఈ నేపథ్యంలో ఆలయ భద్రతా లోపాలు మరోసారి చర్చనీయాంశంగా మారాయి.

పోలీసులు విచారణ కొనసాగిస్తున్నారు. ఈ ఘటనలో మరిన్ని వివరాలు తెలియాల్సి ఉంది.