స్వర్ణం మిస్.. నిరాశలో యమినీ మౌర్య; ఆసియా క్రీడలే లక్ష్యం

భారత జూడో క్రీడాకారిణి యమినీ మౌర్య ఇటీవలి ఒక టోర్నమెంట్‌లో స్వర్ణం కోల్పోయి రజత పతకానికే పరిమితమైంది. ఫైనల్ మ్యాచ్‌లో ఆఖరి సెకన్ల వరకు దూకుడుగా ఆడినా, నెగెటివ్ ప్లే కారణంగా మైనస్ పాయింట్ రావడంతో ఓడిపోయినట్లు ఆమె తెలిపింది.

"నేనిప్పుడు చాలా నిరాశగా ఉన్నాను. స్వర్ణం నాదేననుకున్నాను. చివరి క్షణం వరకు అగ్రెసివ్‌గా ఉన్నా. కానీ నెగెటివ్‌గా ఆడడం వల్ల మైనస్ పాయింట్ వచ్చి ఓడిపోయాను" అని యమినీ చెప్పారు. తాను సాధించిన ఈ పతకాన్ని దేశానికి, తన కుటుంబానికి అంకితం ఇస్తున్నట్లు తెలిపింది. "నా తండ్రి, తల్లి, తోబుట్టువులు ఉదయం నుండి ఫోన్ చేసి ప్రోత్సహించారు. నువ్వు చేయగలవని నాకు ధైర్యం చెప్పారు. వారి కోసం ఈ మెడల్‌ని గెలిచాను" అని ఆమె భావోద్వేగంతో చెప్పింది.

ఆసియా క్రీడలపై దృష్టి ఈ ఓటమి తర్వాత యమినీ భవిష్యత్ ప్రణాళికల గురించి మాట్లాడుతూ, "ఆసియా క్రీడలకు వెళ్తున్నాను. అక్కడా పతకం సాధించేందుకు పూర్తి ప్రయత్నం చేస్తా. నా లక్ష్యం స్వర్ణమే" అని తెలిపింది. ఫైనల్‌లో తన ప్రత్యర్థి ప్రపంచ స్థాయి క్రీడాకారిణి అని, అయినా తాను ఎవరినైనా ఓడించగలనన్న నమ్మకం తనకుందని యమినీ వివరించింది. "ఆమెతో బాగా ఆడాను. అందరినీ ఓడించగలనని నమ్ముతున్నాను" అని ఆమె ధీమా వ్యక్తం చేసింది.