నటుడు యష్ 'టాక్సిక్' తెలుగు హక్కులు దిల్ రాజుకు 120 కోట్లకు?

నటుడు యష్ నటిస్తున్న 'టాక్సిక్: ఎ ఫెయిరీ టేల్ ఫర్ గ్రోనప్స్' సినిమా విడుదలకు ముందే భారీ బిజినెస్ డీల్స్ దృష్టిని ఆకర్షిస్తోంది.

యష్ సొంత నిర్మాణ సంస్థ మాన్స్టర్ మైండ్ క్రియేషన్స్, కేవీఎం ప్రొడక్షన్స్ సంయుక్తంగా ఈ చిత్రాన్ని నిర్మిస్తున్నాయి. యష్ కర్ణాటక ప్రాంత పంపిణీ హక్కులను సొంతంగా ఉంచుకున్నారు. తెలుగు రాష్ట్రాలైన ఆంధ్రప్రదేశ్, తెలంగాణకు సంబంధించిన థియేట్రికల్ హక్కులను ప్రముఖ నిర్మాత దిల్ రాజుకు చెందిన శ్రీ వెంకటేశ్వర క్రియేషన్స్ సొంతం చేసుకున్నట్లు సమాచారం.

ఈ డీల్ విలువ సుమారు 120 కోట్ల రూపాయలుగా తెలుస్తోంది. నాన్-తెలుగు చిత్రానికి తెలుగు రాష్ట్రాల్లో లభించిన అత్యధిక ధర ఇదేనని సినీ వర్గాలు చెబుతున్నాయి.

డిజిటల్ హక్కుల విషయంలో అమెజాన్ ప్రైమ్ తప్పుకున్నట్లు తెలుస్తోంది. ప్రస్తుతం జీ స్టూడియోస్ డిజిటల్, సాటిలైట్ హక్కుల కోసం చర్చలు జరుపుతోంది. ట్రైలర్ అంచనాలను పెంచిన ఈ సినిమా ఈ నెల 26న విడుదల కానుంది.