ముచ్చింతలలో యతీంద్ర సప్తతి మహోత్సవాలు ముగింపు.. కోదండ రాముడికి సహస్ర కలశాభిషేకం

రంగారెడ్డి జిల్లా ముచ్చింతలలోని శ్రీరామనగరంలో ఐదు రోజుల పాటు జరిగిన యతీంద్ర సప్తతి మహోత్సవాలు నేటితో ముగిశాయి.

త్రిదండి శ్రీ శ్రీ శ్రీ రామానుజ చిన్నజీయర్ స్వామి 70వ జన్మదినోత్సవం సందర్భంగా ఈ వేడుకలు నిర్వహించారు. ఈ నెల 8 నుంచి ఐదు రోజుల పాటు ఆధ్యాత్మిక కార్యక్రమాలు కొనసాగాయి.

స్వామి 70వ తిరునక్షత్ర మహోత్సవాల్లో భాగంగా 33వ ఏకోత్తర సహస్ర కలశాభిషేకం నిర్వహించారు. స్వామి ఆరాధ్య దైవమైన శ్రీ కోదండ రామచంద్ర స్వామికి సహస్ర కలశాలతో విశేష అభిషేకం చేశారు.

స్వామి వారి సన్నిధిలో విశేష పూజ కార్యక్రమాలు కొనసాగాయి. ఈ మహోత్సవాలను ఆధ్యాత్మికత, సేవా భావం, సమానత్వ సందేశానికి వేదికగా నిర్వహించారు.

లోకక్షేమం కోసం ప్రత్యేక పూజలు నిర్వహించారు. ముచ్చింతలకు భక్తులు పెద్ద ఎత్తున తరలివచ్చారు.