యువ ఆవిష్కర్తల కొత్త ప్రయోగాలు: పాత వస్త్రాలు, లక్క చుడీలకు నూతన జీవం

కోల్‌కతాకు చెందిన మేఘనా నాయక్, జైపూర్‌కు చెందిన సాహిబా పర్వీన్ పాత వస్త్రాలు, సంప్రదాయ కళలకు నూతన జీవితం ఇస్తున్న యువ ఆవిష్కర్తలుగా నిలిచారు.

మేఘనా నాయక్ ఒకప్పుడు పర్యావరణ పాత్రికేయురాలు. ఫ్యాషన్ పరిశ్రమ ప్రపంచంలో అత్యధిక వ్యర్థాలను ఉత్పత్తి చేస్తున్న విషయాన్ని గమనించి, కేవలం రచనలతో సంతృప్తి చెందకుండా సొంత పరిష్కారాన్ని కనుగొన్నారు. కోల్‌కతా కేంద్రంగా ‘ఇమ్ ఇన్ కోల్‌కతా’ అనే వెంచర్ ప్రారంభించి, విసిరివేసిన పాత చీరలు, వ్యర్థ వస్త్రాలను కొత్త డిజైన్లతో అందమైన దుస్తులుగా మారుస్తున్నారు. సస్టెయినబుల్ ఫ్యాషన్‌లో కొత్త దారి చూపుతున్నారు.

జైపూర్‌లోని గులాబీ గల్లీల్లో నివసించే సాహిబా పర్వీన్, ఎనిమిది తరాలుగా తమ కుటుంబం సంప్రదాయంగా చేస్తున్న లక్క చూడీల తయారీ కళను ముందుకు తీసుకెళ్తున్నారు. చిన్నతనంలో తల్లిదండ్రులు ఈ కళను చేయడం చూసి ఆకర్షితురాలైన సాహిబా, చదువు పూర్తి చేయడంలో ఆటంకం కాగలదని తల్లి మొదట అడ్డుచెప్పినా, ఈ కళను వీడలేదు. క్రమం తప్పకుండా కృషిచేస్తూ, సంప్రదాయ డిజైన్లతో పాటు ఆధునిక టచ్ ఇచ్చి, ఇప్పుడు డిజిటల్ మార్గాల్లో తన చుడీలను విక్రయిస్తున్నారు. చదువును కూడా కొనసాగించారు.

ఈ ఇద్దరు యువతులు, సంప్రదాయానికి కొత్త ఊపిరి పోస్తూ, ఆర్థిక స్వావలంబన, వ్యర్థాల తగ్గింపు లాంటి బహుళ లక్ష్యాలను సాధిస్తున్నారు.