గద్వాల జిల్లాలో యువకుడి హత్య, పోలీసులు దర్యాప్తు

జోగులాంబ గద్వాల జిల్లా మల్దకల్ మండలం ఉలిగెపల్లి గ్రామంలో తాజాగా ఒక యువకుడు హత్యకు గురయ్యాడు.

బోయ మహేశ్ అనే యువకుడు తన పొలం వద్ద నిద్రిస్తుండగా గుర్తు తెలియని వ్యక్తులు అతడిని దారుణంగా చంపినట్లు మహేశ్ తల్లిదండ్రులు పోలీసులకు ఫిర్యాదు చేశారు.

ఘటనా స్థలానికి చేరుకున్న పోలీసులు మృతదేహాన్ని పోస్ట్ మార్టం కోసం ప్రభుత్వ ఆస్పత్రికి తరలించారు. కేసు నమోదు చేసుకున్న పోలీసులు హత్యకు గల కారణాలపై దర్యాప్తు ప్రారంభించారు.