10, ఇంటర్ అర్హతతో త్రివిధ దళాల్లో ఉద్యోగాలు: నందికంటి భాస్కర్

10వ తరగతి, ఇంటర్ అర్హత ఉన్న విద్యార్థులు త్రివిధ దళాల్లో ఉద్యోగ అవకాశాలు పొందవచ్చని యువ ఎడ్యుకేషనల్ ఇన్‌స్టిట్యూషన్స్ వ్యవస్థాపకుడు నందికంటి భాస్కర్ తెలిపారు.

ఒక విద్యా సంబంధ కార్యక్రమంలో ఆయన మాట్లాడారు. ఈ సంస్థను 2009లో ప్రారంభించామని చెప్పారు. ఇప్పటివరకు 6,000 మందికి పైగా విద్యార్థులు ఇండియన్ త్రివిధ దళాల్లో ఉద్యోగాలు పొందారని ఆయన తెలిపారు.

ప్రస్తుతం విద్యార్థులు ఎక్కువగా IIT, AI వంటి రంగాలవైపు వెళ్తున్నారని భాస్కర్ అన్నారు. కానీ 10వ తరగతి, ఇంటర్ అర్హతతోనే రక్షణ రంగంలో అనేక అవకాశాలు ఉన్నాయని ఆయన చెప్పారు. తక్కువ వయసులోనే ఉద్యోగం సాధించవచ్చని, దేశ సేవ కూడా చేయవచ్చని ఆయన పేర్కొన్నారు.

రాబోయే సంవత్సరాల్లో మరింత మంది విద్యార్థుల లక్ష్యాలు నెరవేర్చేలా కృషి చేస్తామని ఆయన తెలిపారు. ఈ కార్యక్రమంలో సంస్థ కో ఫౌండర్ రామాంజనేయులు కూడా పాల్గొన్నారు.