నిజామాబాద్ ఎక్సైజ్ సూపరింటెండెంట్ మల్లారెడ్డి ఇంట్లో ACB సోదాలు

ఆదాయానికి మించి ఆస్తులు కూడబెట్టిన ఆరోపణలపై నిజామాబాద్ ఎక్సైజ్ సూపరింటెండెంట్ మల్లారెడ్డి నివాసం, కార్యాలయంపై ACB అధికారులు సోదాలు నిర్వహించారు.

11 బృందాలుగా ఏర్పడిన ACB అధికారులు నిజామాబాద్, సికింద్రాబాద్, హైదరాబాద్‌లోని ఆయన నివాస స్థలాల్లో ఏకకాలంలో సోదాలు జరిపారు. ప్రగతి నగర్‌లోని ఆయన ఇంట్లో కీలక పత్రాలు స్వాధీనం చేసుకున్నారు.

మల్లారెడ్డి గత ఆరేళ్లుగా నిజామాబాద్ ఎక్సైజ్ సూపరింటెండెంట్‌గా పనిచేస్తున్నారు. సోదాల అనంతరం ఆయనను అదుపులోకి తీసుకొని హైదరాబాద్‌కు తరలించినట్లు సమాచారం.

ఇటీవల ACB అధికారులు ల్యాండ్స్ అండ్ సర్వే డిప్యూటీ డైరెక్టర్ నరహరి నివాసంపై సోదాలు నిర్వహించి ఆయనను అరెస్టు చేశారు. ప్రస్తుతం మల్లారెడ్డిపై విచారణ కొనసాగుతోంది.