భీమిరెడ్డి కేసులో 10 చోట్ల ACB సోదాలు, విదేశీ కరెన్సీ గుర్తింపు

డీఎస్పీ భీమిరెడ్డి కేసులో ACB అధికారులు హైదరాబాద్‌లో 10 చోట్ల ఏకకాలంలో సోదాలు నిర్వహించారు. పుప్పాలగూడ, పంచవటి కాలనీలో ఈ తనిఖీలు కొనసాగాయి. ACB DSP జి. శ్రీధర్ నేతృత్వంలో దర్యాప్తు జరుగుతోంది.

ఈ కేసులో ఎనిమిది మంది అనుమానిత బినామీలను అధికారులు గుర్తించారు. ప్రధాన బినామీదారుడు, ఆయన real estate భాగస్వామి బొమ్మ వెంకటేష్ ఇంట్లోనూ సోదాలు చేశారు. జహీరాబాద్‌లో ఒకచోట మినహా మిగతా ప్రదేశాలన్నీ హైదరాబాద్‌లో ఉన్నాయి.

సోదాల్లో దాదాపు ₹1.35 కోట్ల ఇండియన్ కరెన్సీ తోపాటు అమెరికన్ డాలర్లు, మరికొన్ని దేశాల కరెన్సీ లభ్యమైనట్లు అధికారులు తెలిపారు. ఆస్తుల డాక్యుమెంట్లు, ఆర్థిక లావాదేవీల పత్రాలను పరిశీలిస్తున్నారు.

గత జూలైలో భీమిరెడ్డిపై కేసు నమోదైంది. ఆ తర్వాత ఆయనను రిమాండ్‌కు తరలించారు. రెండు నెలలపాటు బినామీదారుల సమాచారాన్ని సేకరించిన తర్వాత అధికారులు ఈ తనిఖీలు చేపట్టారు. సోదాల్లో లభించిన పత్రాలను ACB పరిశీలన చేయనుంది.