వచ్చే నెలలో కొత్త పింఛన్లు: మంత్రి అచ్చెన్నాయుడు

ఏపీ మంత్రి అచ్చెన్నాయుడు వచ్చే నెలలో కొత్త పింఛన్లు మంజూరు చేస్తామని ప్రకటించారు. శ్రీకాకుళం జిల్లా రణస్థలం మండలం వేల్పురాయిలో జరిగిన రైతన్న మీకోసం అవగాహన కార్యక్రమంలో ఆయన ఈ విషయం వెల్లడించారు.

అర్హత కలిగి ఇంకా పింఛన్లు పొందని వారికి, భర్తలు మరణించి వితంతువులుగా ఉన్న మహిళలకు కూడా పింఛన్లు ఇవ్వనున్నట్లు తెలిపారు. ఈ విషయంపై త్వరలోనే శుభవార్త వింటారని ఆయన చెప్పారు.

అదే కార్యక్రమంలో మంత్రి పంటల బీమా గడువును ఈ నెల 15వ తేదీ వరకు పొడిగించినట్లు తెలిపారు. రైతులకు తక్కువ ధరకు విత్తనాల కిట్లు పంపిణీ చేస్తున్నట్లు కూడా ప్రకటించారు.