ఆదిలాబాద్‌లో 46 డిగ్రీల ఉష్ణోగ్రత — రైతులు, వ్యవసాయ కూలీలు తీవ్ర ఇబ్బందులు

ఆదిలాబాద్ జిల్లా నిలవార్పూర్ మండలంలో గత మూడు రోజులుగా అత్యధిక ఉష్ణోగ్రతలు నమోదవుతున్నాయి. కొన్ని ప్రాంతాల్లో 46 డిగ్రీల సెల్సియస్ దాటిన ఉష్ణోగ్రత నమోదైంది.

ఈ వేడిమిలో వ్యవసాయ పనులు చేసుకోలేకపోతున్నామని రైతులు చెప్తున్నారు. ఒక వరిమిషన్ నడిపే వ్యక్తి వడదెబ్బకు గురై తీవ్రంగా అనారోగ్యం పాలయ్యాడు. ప్రస్తుతం వరి కళ్ళాల పని జరుగుతోంది. ట్రాక్టర్లు, వరిమిషన్లు పొలాల్లో నడుస్తున్నాయి.

ఈ అధిక ఉష్ణోగ్రతలకు అనేక కారణాలు ఉన్నాయని నిపుణులు తెలిపారు. సముద్ర జలాలు వేడెక్కడం, ఆదిలాబాద్ భౌగోళికంగా వేడి ప్రాంతంలో ఉండటం, ప్రత్యక్ష సూర్యకాంతి, ఉత్తర దిక్కు నుండి వచ్చే వేడి గాలులు — ఇవి ప్రధాన కారణాలని అన్నారు. అడవులు తగ్గడం వల్ల సహజమైన చల్లదనం తగ్గి వేడి తీవ్రత పెరుగుతోందని కూడా నిపుణులు పేర్కొన్నారు.