బుచ్చంపేట దళిత కాలనీలో తాగునీటి సంక్షోభం; 50 కుటుంబాలకు రెండు బోర్లే ఆధారం

అనకాపల్లి జిల్లా రోలుగుండ మండలం బుచ్చంపేట పంచాయతీ పరిధిలోని దళిత కాలనీలో తీవ్ర తాగునీటి కొరత ఏర్పడింది. ఈ కాలనీలో నివసించే 50 దళిత కుటుంబాలు తాగేందుకు నీళ్లు లేక ఇబ్బందులు పడుతున్నాయి.

కాలనీలో ఉన్న రెండు బోర్ల నుంచి వచ్చే నీరు కలుషితమై ఉండటంతో తాగటానికి పనికిరావడం లేదు. నీటి నాణ్యత లేకపోవడంతో దళిత కాలనీ వాసులు తాగునీటి కోసం మైళ్ల దూరం నడిచి ఇతర ప్రాంతాలకు వెళ్లాల్సి వస్తోంది.

కేంద్ర ప్రభుత్వం ప్రతిష్టాత్మకంగా చేపట్టిన జలజీవన్ మిషన్ వంటి పథకాలు ఈ కాలనీకి అందడం లేదని స్థానికులు ఆరోపిస్తున్నారు. సమస్య పరిష్కారం కాకపోతే మండల కార్యాలయం ముందు టెంట్ వేసుకుని నిరసన తెలుపుతామని వారు హెచ్చరించారు. సంబంధిత అధికారులు స్పందించి సత్వర చర్యలు తీసుకోవాలని కోరారు.