ఆదిలాబాద్‌లో జెమ్మి ఆకులపై సీఎం రేవంత్ రెడ్డి జీవిత చరిత్ర రాసిన యువకుడు

ఆదిలాబాద్ జిల్లా కొమరంభీం ప్రాంతానికి చెందిన వినయ్ కుమార్ అనే విద్యార్థి సీఎం రేవంత్ రెడ్డి జీవిత చరిత్రను 391 జెమ్మి ఆకులపై రాశారు. ఇంగ్లీష్ అక్షరాలతో ఈ చిత్రలేఖనం చేసి ఫోటో ఫ్రేమ్ తయారు చేశారు.

వినయ్ కుమార్ బీఎడ్ చదువుతున్నారు. చిన్నప్పటి నుంచి మైక్రో ఆర్ట్ పట్ల ఆసక్తి ఉన్న ఆయన ఇప్పటికే నువ్వులు, బియ్యం గింజలు, చింతాకులపై కళాఖండాలు రూపొందించారు. తెలంగాణ ఆవిర్భావ దినోత్సవం సందర్భంగా 20,721 తంగేడు ఆకులపై రాష్ట్ర చరిత్రను రాసి అందరి దృష్టిని ఆకర్షించారు.

ఈ కళాత్మకతను గుర్తించిన లండన్‌కు చెందిన సంస్థ ఆయనకు గోల్డ్ మెడల్ ప్రదానం చేసింది. తాజాగా సీఎం రేవంత్ రెడ్డి చరిత్రను జెమ్మి ఆకులపై రాయడం ద్వారా ముఖ్యమంత్రి ఆశీస్సులు పొందాలని వినయ్ కుమార్ ఆశిస్తున్నారు.