సరస్వతి అంత్య పుష్కరాలు: కాళేశ్వరంలో మంత్రి అడ్లూరి లక్ష్మణ్ పూజలు; గోదావరి పుష్కరాలను ఘనంగా నిర్వహిస్తామని ప్రకటన

తెలంగాణ మంత్రి అడ్లూరి లక్ష్మణ్ కాళేశ్వరంలో సరస్వతి అంత్య పుష్కరాల సందర్భంగా ప్రత్యేక పూజలు నిర్వహించారు. ఆయన సరస్వతీ నదిలో పుణ్యస్నానం ఆచరించి, గోదావరి మాతకు చీర, పూలు, పండ్లు సమర్పించారు. అనంతరం కాళేశ్వర ముక్తేశ్వర స్వామి ఆలయంలో ప్రత్యేక పూజలు చేశారు. వేద పండితులు ఆశీర్వదించగా, ఆలయ అధికారులు స్వామివారి శేష వస్త్రంతో సత్కరించారు.

ఈ సందర్భంగా మంత్రి మాట్లాడుతూ, సరస్వతి అంత్య పుష్కరాల ఏర్పాట్లు బాగున్నాయన్నారు. వచ్చే గోదావరి పుష్కరాలను భాసర నుంచి గోదావరి వరకు అన్ని ఏర్పాట్లు చేసి, అత్యంత వైభవంగా నిర్వహిస్తామని తెలిపారు. ప్రస్తుతం ముఖ్యమంత్రి రేవంత్ రెడ్డి, మంత్రి శ్రీధర్ బాబు నేతృత్వంలో ఏర్పాట్లు జరుగుతున్నాయని ఆయన పేర్కొన్నారు.

ధర్మపురి నియోజకవర్గ ప్రజలను ఎల్లప్పుడూ భగవంతుడు ఆశీర్వదించాలని కోరుకుంటూ, తాను ఇచ్చిన హామీలను అమలు చేసేందుకు రాష్ట్ర ప్రభుత్వం అండగా ఉంటుందన్నారు.