ఆకివీడు రామాలయం వివాదం: సుప్రీం కోర్టు తీర్పు ఉల్లంఘన ఆరోపణలపై న్యాయవాది జడ శ్రవన్ స్పందన

ఆకివీడు రామాలయం అంశంలో సుప్రీం కోర్టును తప్పుదారి పట్టించారన్న ఆరోపణలపై న్యాయవాది జడ శ్రవన్ స్పందించారు. రఘురామకృష్ణ రాజు కోర్టు తీర్పును ఉల్లంఘిస్తున్నారని, అందుకే సుప్రీం కోర్టును ఆశ్రయించామని జడ శ్రవన్ తెలిపారు.

ఆకివీడులో ప్రభుత్వ స్థలంలో రామాలయం నిర్మిస్తున్నారని ఆయన పేర్కొన్నారు. Union of India vs State of Gujarat సుప్రీం కోర్టు తీర్పు ప్రకారం ప్రభుత్వ స్థలంలో ఏ మతానికి చెందిన ఆలయం నిర్మించడానికి వీల్లేదని జడ శ్రవన్ వివరించారు.

ఆ స్థలంలో 60–70 సంవత్సరాల క్రితం నిర్మించిన గుడి స్థానికంగా 'గొంతేనమ్మ గుడి'గా పిలువబడుతోందని, దాన్ని కూల్చివేసి రామాలయం నిర్మించే ప్రయత్నంలో రెండు వర్గాల మధ్య వివాదం సృష్టిస్తున్నారని జడ శ్రవన్ ఆరోపించారు. ఈ వ్యవహారంలో దళితులందరూ రామాలయానికి వ్యతిరేకమన్న అభిప్రాయం కల్పించడం సరికాదని ఆయన అన్నారు.

ఈ విషయంపై రఘురామకృష్ణ రాజు స్పందన తెలియాల్సి ఉంది.