అహోబిలం మఠంలో వివాదం: సరుకుల ట్రక్కులు అడ్డుకున్న ఘటన

నంద్యాల జిల్లాలోని అహోబిలం మఠంలో వివాదం చెలరేగింది. లడ్డు ప్రసాదాల తయారీకి అవసరమైన సరుకులు తీసుకొస్తున్న ట్రక్కులను మఠంలోకి వెళ్ళనివ్వకుండా కొందరు అడ్డుకున్నారు.

మఠానికి అవసరమైన సరుకులు తాము సప్లై చేయాలని, దాని కోసం టెండర్లు ఇవ్వాలని స్థానిక TDP నాయకులు అధికారులను చాలా రోజుల నుంచి కోరుతున్నారని తెలుస్తోంది. ఆ ప్రయత్నాలు ఫలించకపోవడంతో ట్రక్కులను అడ్డుకున్నారని ఆరోపణలు వినిపిస్తున్నాయి. ఈ ఆరోపణలపై TDP స్పందన తెలియాల్సి ఉంది.

ట్రక్కులు అడ్డుకున్న సమయంలో మఠం సిబ్బందికి, అక్కడ ఉన్న వ్యక్తులకు మధ్య వాగ్వివాదం జరిగింది. పరిస్థితిని చక్కదిద్దేందుకు పోలీసులు జోక్యం చేసుకున్నారు.

మఠం నిర్వాహకులు నంద్యాల SP కి ఫిర్యాదు నమోదు చేశారు. ట్రక్కులు అడ్డుకున్న వారిపై కేసు నమోదు చేస్తామని పోలీసులు తెలిపారు. విచారణ కొనసాగుతోంది.