తిరుపతికి ఉదయం విమానాల ఛార్జీలు పెరిగాయి – శ్రీవాణి డిమాండ్ కారణమని ప్రయాణికుల ఆరోపణ

తిరుమల శ్రీవాణి టికెట్ల ఆఫ్‌లైన్ కేటాయింపు కారణంగా తిరుపతికి ఉదయం విమానాల ఛార్జీలు విపరీతంగా పెరిగాయని ప్రయాణికులు ఆరోపిస్తున్నారు.

తిరుపతి విమానాశ్రయంలో ప్రతిరోజూ 200 శ్రీవాణి టికెట్లను మొదటి మూడు ఉదయం విమానాల్లో వచ్చే భక్తులకు మాత్రమే కేటాయిస్తారు. ఈ విధానం వల్ల చాలా మంది భక్తులు ఉదయం విమానాలకు బుకింగ్ చేయాల్సి వస్తోంది.

ఈ డిమాండ్‌ను గమనించిన విమానయాన సంస్థలు ఉదయం టికెట్ల ధరలను 2-3 రెట్లు పెంచినట్లు ప్రయాణికులు చెబుతున్నారు. భక్తులతో పాటు సాధారణ ప్రయాణికులపై కూడా ఈ అదనపు భారం పడుతోంది.

ఈ విషయంలో కేంద్ర పౌర విమానయాన శాఖ దృష్టి పెట్టాలని భక్తులు, ప్రయాణికులు కోరుతున్నారు.