తెలుగు అమ్మాయినని చెప్పిన ఐశ్వర్య రాజేష్; 'ఓం సుకుమారి' కాన్సెప్ట్ ఇంట్రెస్టింగ్ అని వెల్లడి

తాజా ఇంటర్వ్యూలో ఐశ్వర్య రాజేష్ మాట్లాడుతూ, తాను తెలుగు కుటుంబానికి చెందినదే అయినా చెన్నైలో పుట్టి పెరిగానని స్పష్టం చేశారు. మంచి తెలుగు సినిమా కోసం ఎదురుచూస్తున్నానని, సంక్రాంతి తర్వాత 'ఓం సుకుమారి' చిత్రాన్ని సైన్ చేసినట్లు తెలిపారు.

ఈ సినిమా కథాంశం ప్రత్యేకంగా ఉందని, హీరోయిన్‌ను ఎవరైనా ముట్టుకుంటే షాక్ కొట్టడం అనే కాన్సెప్ట్‌తో రూపొందిందని చెప్పారు. 'ఇప్పటి వరకు ఇలాంటి కథ దక్షిణాది సినిమాల్లో రాలేదు' అని ఆమె పేర్కొన్నారు. ఈ సినిమా పూర్తి వినోదాత్మకంగా ఉంటుందని తెలిపారు.

'ప్రేక్షకుల అంచనాలను ఈ చిత్రం తప్పకుండా అందుకుంటుంది. ఒక యాక్టర్‌గా ప్రతి సినిమా భిన్నంగా ఉండాలని కోరుకుంటాను' అని ఐశ్వర్య రాజేష్ చెప్పారు.