ప్రధాని మోదీ పాలనలో భారత్ అభివృద్ధి అసాధారణం: ప్రపంచ బ్యాంక్ అధ్యక్షుడు అజయ్ బంగా ప్రశంసలు

ప్రపంచ బ్యాంక్ అధ్యక్షుడు అజయ్ బంగా ప్రధాని నరేంద్ర మోదీకి ఆయన 13 ఏళ్ల పాలన పూర్తి చేసుకున్న సందర్భంగా అభినందనలు తెలియజేశారు. దేశం సాధించిన అభివృద్ధి పరిమాణంలోనే కాక, విధానాల అమలు విషయంలోనూ చాలా ప్రత్యేకంగా నిలిచిందని ఆయన పేర్కొన్నారు.

'మౌలిక సదుపాయాలు, డిజిటల్ వేదికల విస్తరణ, ప్రైవేట్ పెట్టుబడులు, ఉపాధి అవకాశాల కల్పన వంటి రంగాల్లో భారత్ అనుసరిస్తున్న స్థిరమైన దిశ, నిరంతర సంస్కరణలు, సమర్థ అమలు చాలా బాగా కనిపిస్తున్నాయి' అని ఆయన తెలిపారు. ప్రపంచ బ్యాంకు-భారత్ భాగస్వామ్యం బలంగా, ఫలితాల ఆధారంగా సాగుతోందని అజయ్ బంగా అన్నారు.

రాబోయే అధ్యాయం ఆ వేగాన్ని కొనసాగించడం, మరింత ఉపాధి సృష్టించడం, నగరాలు, మౌలిక సదుపాయాలను బలోపేతం చేయడంపై దృష్టి పెడుతుందని వివరించారు. భారత్ పురోగతి కేవలం దేశానికే కాదు, ప్రపంచానికీ చాలా ముఖ్యమని, సహాయ సహకారాలు అందించేందుకు ప్రపంచ బ్యాంకు సిద్ధంగా ఉందని ఆయన స్పష్టం చేశారు.