డెలివరీ బాయ్ తో వాగ్వాదం ఘటనపై నటుడు అఖిల్ రాజ్ వివరణ

నటుడు అఖిల్ రాజ్ డెలివరీ బాయ్ తో జరిగిన వాగ్వాదం ఘటనపై వివరణ ఇచ్చారు. కొండాపూర్ లోని తన నివాసంలో డెలివరీ బాయ్ ఒకరు పొరపాటున పార్సెల్ తప్పు అడ్రస్ కి ఇచ్చాడు. ఆయన కుటుంబ సభ్యులు అది తమది కాదని తెలియకుండా ఓపెన్ చేశారు.

అనంతరం డెలివరీ బాయ్ మత్తులో వచ్చి అనుచిత వ్యాఖ్యలు చేశాడని అఖిల్ ఆరోపించారు. ఈ క్రమంలో తన తల్లిని రక్షించేందుకు తీవ్రంగా స్పందించానని, అయితే హింసకు దిగలేదని వివరించారు.

ఈ వీడియో సోషల్ మీడియాలో వైరల్ కావడంతో తనపై తప్పుడు ఆరోపణలు వచ్చాయని, సీసీటీవీ ఫుటేజ్ పరిశీలించాలని మీడియాకు విజ్ఞప్తి చేశారు. తాను పోలీసులకు ఫిర్యాదు చేశానని తెలిపారు. ఈ ఘటనపై డెలివరీ బాయ్ స్పందన తెలియాల్సి ఉంది.