అకివీడు రామాలయం వివాదం: సుప్రీం కోర్టు నిర్మాణంపై స్టే విధించింది

అకివీడులో రామాలయం నిర్మాణంపై సుప్రీం కోర్టు స్టే విధించింది. AP ప్రభుత్వం ఇచ్చిన ఉత్తర్వులను కోర్టు సస్పెండ్ చేసింది. కేసు ఆగస్టు వరకు వాయిదా పడింది.

ఈ స్థలంలో గొంతేనమ్మ గుడి ఉందని పిటిషనర్లు వాదించారు. ఆ గుడిని రాత్రికి రాత్రే కూల్చివేశారని, పోలీసుల సహకారంతో అక్కడ నిర్మాణం మొదలుపెట్టారని జడా శ్రవణ్ కుమార్ ఆరోపించారు. స్థానిక ప్రజలను అరెస్టు చేసి వెలివేశారని కూడా ఆయన పేర్కొన్నారు.

డిప్యూటీ స్పీకర్ రఘురామకృష్ణం రాజు కలెక్టర్, కమిషనర్లపై ఒత్తిడి తెచ్చారని శ్రవణ్ కుమార్ ఆరోపించారు. ప్రభుత్వ భూమిలో మతపరమైన నిర్మాణాలు చేయరాదని సుప్రీం కోర్టు 2010లో తీర్పు ఇచ్చిందని ఆయన తెలిపారు. అదే తీర్పును ఈ కేసులో ప్రాతిపదికగా చూపారని చెప్పారు.

ఆ స్థలంలో రామాలయం ఉందా లేదా అనేది స్థానిక ప్రజలతో సంప్రదించి అధికారులు నిర్ణయించాలని శ్రవణ్ కుమార్ అన్నారు. ప్రభుత్వ స్థలంలో ఏ మతపరమైన నిర్మాణమూ చేయరాదని, అది గొంతేనమ్మ గుడి అయినా సరే వర్తిస్తుందని ఆయన స్పష్టం చేశారు. అక్కడ ప్రభుత్వ పాఠశాల లేదా ఆస్పత్రి నిర్మించడానికి తాము అభ్యంతరం లేదని తెలిపారు.

ఈ విషయంపై రఘురామకృష్ణం రాజు స్పందన తెలియాల్సి ఉంది.