1.7 కోట్ల పారితోషికం తీసుకోలేదు: అక్షయ్ కుమార్

బాలీవుడ్ స్టార్ హీరో అక్షయ్ కుమార్ తన రాబోయే చిత్రం 'వెల్‌కమ్ టూ ది జంగల్' కోసం 1.7 కోట్ల రూపాయల పారితోషికం తీసుకున్నారనే వార్తలను ఖండించారు. ఇటీవల ఫిల్మ్ఫేర్‌కు ఇచ్చిన ఇంటర్వ్యూలో ఆయన ఈ విషయాన్ని స్పష్టం చేశారు. 'ఆ మొత్తం నాకు రాలేదు, అంత తీసుకోలేదు' అని అక్షయ్ నేరుగా చెప్పారు. ఈ సినిమా తనకు ఎంతో ప్రత్యేకమైనదని, ప్రధాన కారణం దీని కథను నీరజ్ బోరా రచించడమే అని తెలిపారు. 'కామెడీ విభాగంలో నేను ఎక్కువగా నేర్చుకున్న ముగ్గురు వ్యక్తులు ప్రియదర్శన్, రాజ్‌కుమార్ సంతోషి, నీరజ్ బోరా. నీరజ్ పాత్ర ఈ చిత్రంలో చాలా పెద్దది' అని వివరించారు. వెల్‌కమ్ సిరీస్‌లో భాగమైన ఈ చిత్రాన్ని ఫిరోజ్ నదియాడ్‌వాలా నిర్మిస్తున్నారు. గత 36 ఏళ్లుగా సినీ రంగంలో కష్టపడుతూనే ఉన్నానని, ఫిరోజ్‌ను షూటింగ్‌కు ఆహ్వానించడం కూడా ఒక స్ట్రగుల్‌గా మారిందని సరదాగా చెప్పారు. హాస్య ప్రధానమైన ఈ 'వెల్‌కమ్' సిరీస్ చిత్రం ప్రేక్షకులలో మంచి అంచనాలను రేకెత్తిస్తోంది.