తెలంగాణ ఉద్యమకారుల గుర్తింపు కమిటీ సర్వపార్టీ సమావేశం

తెలంగాణ ఉద్యమకారులకు గుర్తింపు ఇచ్చే దిశగా ఏర్పాటైన కమిటీ సర్వపార్టీ సమావేశం నిర్వహించింది. ఉద్యమకారుల గుర్తింపు, వారికి ఇవ్వాల్సిన సౌకర్యాలు, గౌరవం అంశాలపై అన్ని పార్టీల అభిప్రాయాలు సేకరించడం ఈ సమావేశం ముఖ్య ఉద్దేశ్యం.

ఈ సమావేశంలో గుర్తింపు ఉన్న రాజకీయ పార్టీలతో పాటు, గుర్తింపు లేని పార్టీలు, ముఖ్యమైన సంఘాలు, జర్నలిస్టులు, కళాకారులు, రచయితలు, ఉద్యోగ సంఘాలు, విద్యార్థి సంఘాలు, మహిళా సంఘాలు, కుల సంఘాల ప్రతినిధులు పాల్గొన్నారు. ఉద్యమంలో ప్రాణ నష్టం, శారీరక నష్టం, ఆర్థిక నష్టం అనుభవించిన వారికి తగిన గుర్తింపు ఇచ్చే విధానంపై చర్చించారు.

కమిటీ ఇటీవలి ఉద్యమంతో పాటు తొలి దశ ఉద్యమంలో పాల్గొన్న వారిని కూడా చేర్చాలని నిర్ణయించారు. సమీపంలోనే అమరవీరుల దీపం జ్వాల వద్ద కార్యాలయాన్ని ప్రారంభించనున్నారు. అక్కడి నుంచి భావి కార్యాచరణ ప్రకటిస్తామని కమిటీ తెలిపింది.