సంధ్య థియేటర్ తొక్కిసలాట: అల్లు అర్జున్ వీడియో హాజరు పిటిషన్ తిరస్కరించిన కోర్టు

నాంపల్లి కోర్టు సంధ్య థియేటర్ తొక్కిసలాట కేసులో నటుడు అల్లు అర్జున్‌కు వ్యక్తిగతంగా విచారణకు హాజరు కావాలని ఆదేశించింది. వీడియో కాన్ఫరెన్స్ ద్వారా హాజరయ్యేందుకు అనుమతి ఇవ్వాలన్న ఆయన పిటిషన్‌ను కోర్టు కొట్టివేసింది.

సంధ్య థియేటర్‌లో జరిగిన తొక్కిసలాటలో రేవతి అనే మహిళ మృతి చెందగా, ఆమె కుమారుడు శ్రీతేజ్ గాయపడ్డాడు. పోలీసులు 23 మందిపై చార్జిషీట్ దాఖలు చేసి, అల్లు అర్జున్‌ను ఏ-11 నిందితుడిగా చేర్చారు. కోర్టు వారిలో 19 మందికి సమన్లు జారీ చేసి నేరుగా విచారణకు రావాలని తెలిపింది.

ముంబైలో షూటింగ్‌లో ఉన్న అల్లు అర్జున్, తాను హాజరు కాలేనని వీడియో కాన్ఫరెన్స్‌కు అనుమతి కోరారు. కానీ కోర్టు ఆ అభ్యర్థనను తోసిపుచ్చింది. 21వ తేదీనే వ్యక్తిగతంగా హాజరు కావాలని స్పష్టం చేసింది. అల్లు అర్జున్ సమన్లను ఆయన తండ్రి అల్లు అరవింద్ అందుకున్నారు.