అల్లు అర్జున్ 'రాక' 2027 డిసెంబర్ విడుదల ప్లాన్?

అల్లు అర్జున్ హీరోగా అట్లీ దర్శకత్వంలో తెరకెక్కుతున్న 'రాక' సినిమాను 2027 డిసెంబర్‌లో విడుదల చేయాలని భావిస్తున్నట్లు సినీ వర్గాల సమాచారం. ఈ విడుదల తేదీపై ఇంకా అధికారిక ప్రకటన రాలేదు.

తన పుష్ప సిరీస్ విడుదలైన డిసెంబర్ నెలనే ఈ సినిమాకూ ఎంచుకోవాలని అల్లు అర్జున్ ఆలోచిస్తున్నట్లు టాక్. పాన్ ఇండియా సినిమాలకు విడుదల తేదీలు కీలకమని, అందుకే కథ సిద్ధమయ్యే దశలోనే రిలీజ్ డేట్ లాక్ చేసే ప్రయత్నం జరుగుతోందని వర్గాలు చెబుతున్నాయి. పుష్ప మొదటి భాగం 2021 డిసెంబర్ 17న విడుదలైంది. కోవిడ్ సమయంలోనూ ఆ చిత్రం బాక్సాఫీస్ వద్ద ₹500 కోట్లు రాబట్టింది. పుష్ప 2 డిసెంబర్‌లో విడుదలై దేశంలో అతిపెద్ద బ్లాక్‌బస్టర్‌గా నిలిచింది.

ఈ చిత్రంలో దీపికా పదుకొనే హీరోయిన్‌గా నటిస్తోంది. రష్మిక లేడీ విలన్ రోల్ చేస్తున్నట్లు టాక్. దాదాపు ₹1,000 కోట్ల బడ్జెట్‌తో ఈ సినిమా తెరకెక్కుతోందని ప్రచారం సాగుతోంది.

న్యూ ఇయర్ నుంచి ఈ సినిమా ప్రమోషన్స్ ప్రారంభం కానున్నాయని ఇండస్ట్రీ వర్గాలు చెబుతున్నాయి. తొలి గ్లింప్స్ విడుదల చేయనున్నట్లు కూడా సమాచారం ఉంది.