అమలాపురం ఆస్పత్రిలో ఇంటర్ విద్యార్థి అబార్షన్ కేసు విచారణలో కొత్త వాదన

అమలాపురంలోని ఉమెన్స్ కేర్ అండ్ జనరల్ హాస్పిటల్‌లో మైనర్ ఇంటర్ విద్యార్థి అబార్షన్ కేసు విచారణ కొనసాగుతోంది. కలెక్టర్ ఆదేశాలతో ఆర్డీవో, డీహెచ్ఓ దుర్గారావు నేతృత్వంలో ప్రత్యేక బృందం ఆసుపత్రిలో విచారణ జరిపింది.

హాస్పిటల్ యాజమాన్యం ఈ విచారణ సమయంలో కొత్త వాదన చేసింది. ఘటన జరిగిన సమయంలో డాక్టర్ లంకే శిరీష డ్యూటీలో లేనని, మరో వైద్యురాలు డ్యూటీలో ఉన్నట్లు తెలిపింది. ఆ వైద్యురాలిని విచారణ బృందం ముందు ప్రవేశపెట్టారు.

అయితే, ఈ వ్యవహారంపై జిల్లా స్థాయిలో చర్చ జరుగుతోంది. కొంతమంది అధికారులు డాక్టర్ శిరీషను కేసు నుంచి తప్పించే ప్రయత్నాలు చేస్తున్నట్టు ఆరోపణలు వినిపిస్తున్నాయి. ఈ విషయంలో పూర్తి స్థాయి విచారణ కొనసాగుతోందని, తుది నివేదికను కలెక్టర్‌కు సమర్పిస్తామని ఆరోగ్య శాఖ అధికారి తెలిపారు.

ఆసుపత్రి రికార్డులను, డాక్టర్ వివరాలను పరిశీలిస్తున్నామని, బాధితురాలి తల్లిదండ్రులతో కూడా విచారణ పూర్తి చేయాల్సి ఉందని ఆ అధికారి చెప్పారు. స్కానింగ్ ఎక్కడ జరిగింది, ఆమె ఇంతకుముందు ఎక్కడ చికిత్స తీసుకుందనే అంశాలపై సమగ్ర విచారణ చేయనున్నట్లు తెలిపారు. ప్రస్తుతం విచారణ ప్రక్రియ కొనసాగుతోందన్నారు.