అమరావతి రాజధాని: జర్రీ భూముల వినియోగంపై నిపుణుల వాదన

అమరావతి రాజధాని నిర్మాణం కోసం గుంటూరు జిల్లాలోని బహుళ పంటల జర్రీ భూములను వినియోగించడంపై నిపుణులు ఆందోళన వ్యక్తం చేస్తున్నారు. ప్రొఫెసర్ రామచంద్రయ్య మాట్లాడుతూ, శివరామకృష్ణన్ కమిటీ ఈ భూముల్లో రాజధాని నిర్మించమని అనుకూలంగా చెప్పలేదని పేర్కొన్నారు. పైగా బహుళ పంటల భూములను ముట్టుకోవద్దని కమిటీ స్పష్టంగా చెప్పిందని తెలిపారు.

తుల్లూరు, మంగళగిరి ప్రాంతాలు విజయవాడ పరిసరాల్లోనే ఉన్నాయని, 15 అడుగుల లోతులో నీరు ఉండే ఈ జర్రీ భూములు అత్యంత విలువైనవని ఆయన వివరించారు. ఈ భూముల్లో ఏడాదికి మూడు పంటలు పండుతాయని, ఆహారోత్పత్తికి ఇవి అవసరమని నొక్కి చెప్పారు.

నగరీకరణ వల్ల క్రమక్రమంగా వ్యవసాయ భూములు తగ్గిపోవడం సహజమేనని, కానీ ఒకేసారి పెద్ద విస్తీర్ణంలో వ్యవసాయాన్ని నిలిపివేయడం వేరే విషయమని ఆయన వ్యాఖ్యానించారు.

ఏపీ రాజధాని ఆర్గానిక్ గ్రోత్ ద్వారా పెరగాలని, అడ్మినిస్ట్రేటివ్ క్యాపిటల్‌కు అవసరమైన నిర్మాణాలు కేంద్ర ప్రభుత్వం నిధులతో చేపడతాయని విజన్ చట్టంలో పేర్కొన్నారని ఆయన గుర్తు చేశారు.