అమరావతి రాజధానికి ముందు ఫీజిబిలిటీ స్టడీ జరగలేదు: ప్రొఫెసర్ రామచంద్రయ్య

అమరావతిని ఆంధ్రప్రదేశ్ రాజధానిగా నిర్ణయించే ముందు ఎలాంటి ఫీజిబిలిటీ స్టడీ చేయలేదని ప్రొఫెసర్ రామచంద్రయ్య పేర్కొన్నారు. సాయిల్ టెస్టింగ్, స్థల అనుకూలత విశ్లేషణ వంటి అధ్యయనాలు ఏవీ నిర్వహించలేదని ఆయన అన్నారు. సాధారణంగా ప్రభుత్వాలు కొత్త రాజధాని నిర్మాణానికి ముందు మూడు నాలుగు స్వతంత్ర సంస్థల ద్వారా అధ్యయనాలు చేయిస్తాయని ఆయన వివరించారు.

గుంటూరు-విజయవాడ-కృష్ణ బెల్ట్‌లో వ్యవసాయ భూములు అధికంగా ఉన్నాయని, అటువంటి సారవంతమైన భూముల్లో రాజధాని నిర్మించడం తగదని ప్రొఫెసర్ రామచంద్రయ్య అభిప్రాయపడ్డారు. ఆహార భద్రత, వ్యవసాయ ఆర్థిక వ్యవస్థ దృష్ట్యా మల్టీ క్రాప్ భూములను ముట్టుకోకూడదని ఆయన సిఫారసు చేశారు.

ప్రైవేట్ భూములను land pooling లేదా land acquisition రూపంలో తీసుకుని నిర్మాణం చేస్తే land speculation జరుగుతుందని ఆయన హెచ్చరించారు. ఇతర ప్రాంతాల పెట్టుబడులు కూడా అటు మళ్ళి speculative trap ఏర్పడే అవకాశం ఉందని ఆయన వివరించారు. ప్రభుత్వ భూములు అధికంగా ఉన్న చోట రాజధాని నిర్మించాలని ఆయన సూచించారు.

ఈ అంశంపై అసెంబ్లీలో చర్చ జరగకుండానే నారాయణ నేతృత్వంలో మంత్రుల కమిటీ వేశారని, ఆ కమిటీ ఎటువంటి సిఫారసులు చేసిందో బహిరంగం కాలేదని ప్రొఫెసర్ రామచంద్రయ్య అన్నారు. ఈ విషయంపై అప్పటి ప్రభుత్వం స్పందన తెలియాల్సి ఉంది.