అనకాపల్లి: నిషేధ సమయంలో అక్రమంగా వేటకు వెళ్ళిన రెండు బోట్లు స్వాధీనం

అనకాపల్లి జిల్లా వాకపాడు పంచాయతీ వాతాడ గ్రామం వద్ద మత్స్య శాఖ అధికారులు రెండు బోట్లను స్వాధీనం చేసుకున్నారు. నిషేధ సమయంలో అక్రమంగా వేటకు వెళ్ళారని ఫిర్యాదులు రావడంతో అధికారులు చర్యలు తీసుకున్నారు.

స్వాధీనం చేసుకున్న బోట్లు రెండూ పోలవరానికి చెందినవని అధికారులు తెలిపారు. బంగారం పవనం వద్ద శారదా నది దగ్గర బోట్లు దిగుతున్నాయని FDO అధికారి సమాచారమిచ్చారు. దీంతో అధికారులు అక్కడికి చేరుకుని బోట్ల ఫోటోలు, వివరాలు సేకరించి పై అధికారులకు నివేదించారు.

మత్స్యకారుల లైసెన్సులను రద్దు చేశారు. FDO, DFO అధికారులకు నివేదిక అందజేశారు. తదుపరి చర్యలు వారే తీసుకుంటారని అధికారులు తెలిపారు.

చేప పిల్లలు ఉత్పత్తి అయ్యే సమయం కావడంతో ప్రతి ఏటా రెండు నెలలు వేటపై నిషేధం విధిస్తారు. ఈ నిషేధ కాలంలో మత్స్యకారులకు ప్రభుత్వం ₹20,000 భరోసా అందజేస్తుంది. Marine పోలీసుల సహకారంతో అధికారులు నిఘా కొనసాగిస్తున్నారు. అక్రమంగా వేటకు వెళ్ళిన వారిపై కఠిన చర్యలు తీసుకుంటామని మత్స్య శాఖ అధికారులు హెచ్చరించారు.