అనంతపురం రాప్తాడు సమీపంలో కాల్పులు: ఒకరికి తీవ్ర గాయాలు

అనంతపురం జిల్లా రాప్తాడు సమీపంలోని అటవీ ప్రాంతంలో జరిగిన కాల్పుల ఘటనలో హేమంత్ అనే వ్యక్తి తీవ్రంగా గాయపడ్డాడు. అతన్ని చికిత్స కోసం అనంతపురం ప్రభుత్వ ఆసుపత్రికి తీసుకొచ్చారు.

అతను అటవీ ప్రాంతంలో కనిపించిన తర్వాత కాల్పులు జరిగినట్టు స్థానికులు చెప్తున్నారు. కాల్పులు ఎందుకు జరిగాయి, ఎవరు జరిపారు అనే విషయంపై పోలీసుల అధికారిక ప్రకటన ఇంకా రాలేదు.

ఆసుపత్రి వద్దకు చేరుకున్న మహిళలు అతనికి చికిత్స ఇవ్వకూడదని ఆగ్రహం వ్యక్తం చేశారు. అతనికి ఉరిశిక్ష విధించాలని కూడా వారు డిమాండ్ చేశారు.

ఈ ఘటనకు కారణమేమిటనే దానిపై పోలీసులు అధికారికంగా ఎటువంటి వివరాలు వెల్లడించలేదు. హేమంత్ ఆరోగ్య పరిస్థితిపై ఆసుపత్రి వర్గాలు ఇంకా స్పష్టత ఇవ్వలేదు.