అనంతపురం: భర్తను హత్య చేయించిన మహిళను ప్రియుడే హత్య చేశాడు

అనంతపురం సిండికేట్ నగర్‌లో ఒక మహిళ తన భర్తను హత్య చేయించిన కేసు వెలుగులోకి వచ్చింది. అదే ప్రియుడు తర్వాత ఆ మహిళను కూడా హత్య చేశాడు.

కూచి రవిచంద్ర నాయుడు, రాధ దంపతులు సిండికేట్ నగర్‌లో నివసించేవారు. వారు హోటల్ నిర్వహించి ఇద్దరు పిల్లలను software engineers గా తయారు చేశారు. పిల్లలిద్దరూ పెళ్లిళ్లు చేసుకుని సెటిల్ అయ్యారు.

రవిచంద్ర నాయుడు స్నేహితుడు చెరుకూరి ఆదినారాయణ తరచూ వారి ఇంటికి వచ్చేవాడు. రాధకు ఆదినారాయణతో సంబంధం ఏర్పడింది. ఈ విషయంపై రవిచంద్ర రాధను పలుమార్లు హెచ్చరించాడు.

ఆదినారాయణతో కలిసి రాధ భర్తను హత్య చేసింది. రవిచంద్రకు మద్యం ఎక్కువగా తాగించి, ఆదినారాయణ అతన్ని చంపాడు. అనారోగ్యంతో చనిపోయాడని బిడ్డలకు చెప్పి నమ్మించారు. తర్వాత రాధ, ఆదినారాయణ కలిసి అద్దె ఇంట్లో నివసించారు.

తర్వాత రాధ వేరొకరితో సంబంధం పెట్టుకుందని అనుమానించిన ఆదినారాయణ ఆమెను హత్య చేశాడు. తల్లి మరణంపై అనుమానం కలిగిన కుమారుడు, కుమార్తె పోలీసులకు ఫిర్యాదు చేశారు.

దర్యాప్తులో రవిచంద్ర హత్య కూడా ఆదినారాయణే చేశాడని తేలింది. పోలీసులు ఆదినారాయణను అరెస్టు చేశారు. విచారణలో అతను రెండు హత్యలూ ఒప్పుకున్నాడు. అతన్ని రిమాండ్‌కు పంపారు.