ఆంధ్రప్రదేశ్‌లో AI ఆధారిత ఉచిత వైద్య సేవలు — Hospital NextGen, సంజీవని ప్రాజెక్టులు

ఆంధ్రప్రదేశ్ ప్రభుత్వం వైద్య రంగంలో AI ఆధారిత డిజిటల్ సేవలు ప్రారంభించింది. 5 కోట్ల మంది రాష్ట్ర ప్రజలకు ఉచితంగా ఈ సేవలు అందించాలని లక్ష్యంగా పెట్టుకుంది.

NIC (National Informatics Centre) ప్రకారం, దేశంలోని hospital digitalization లో ఆంధ్రప్రదేశ్ ముందంజలో ఉంది. దేశవ్యాప్తంగా hospital data లో సుమారు 10% AP రాష్ట్ర ప్రభుత్వ ఆసుపత్రుల నుంచే వస్తున్నట్టు NIC ధృవీకరించింది.

Hospital NextGen పేరుతో ప్రారంభించిన ఈ విధానంలో రోగి registration నుంచి discharge వరకు అన్ని దశలు digital గా నమోదవుతాయి. రోగికి ఒక unique ID జనరేట్ అవుతుంది. దీని ద్వారా రోగి health profile, AI ఆధారిత prescription, రక్త పరీక్ష ఫలితాలు — అన్నీ digital locker లో భద్రపరచబడతాయి. రోగి తన mobile కి OTP ద్వారా ఈ వివరాలు మరొక రాష్ట్రంలోని డాక్టర్‌తో కూడా share చేయవచ్చు.

20 రకాలకు పైగా AI ఆధారిత medical tests పలు ఆసుపత్రులలో pilot గా నిర్వహించారు. కొన్నిటికి అనుమతి లభించింది. మరికొన్ని రోజుల్లో ఈ AI testing పరికరాలు అన్ని ప్రభుత్వ ఆసుపత్రులకు అందుబాటులోకి వస్తాయని అధికారులు తెలిపారు.

రాష్ట్రవ్యాప్తంగా AI వైద్య సేవలు అందించేందుకు సంజీవని ప్రాజెక్టు కూడా ప్రారంభించారు. ప్రస్తుతం కుప్పంలో pilot గా నిర్వహిస్తున్నారు. pilot విజయవంతమైన తర్వాత దీన్ని రాష్ట్రవ్యాప్తంగా అమలు చేసేందుకు అధికారులు చర్యలు తీసుకుంటున్నారు.

AI analytics ద్వారా రోగాలను ముందుగానే గుర్తించే preventive healthcare కూడా ఈ ప్రాజెక్టు లక్ష్యాల్లో ఒకటి. Bill & Melinda Gates Foundation సాంకేతిక సహకారంతో ఈ preventive healthcare కార్యక్రమం అమలవుతోందని తెలిపారు. Hospital NextGen, సంజీవని తో పాటు 104 సంచార వైద్య సేవలు, ఆరోగ్య రథం ప్రాజెక్టులు కూడా అమలవుతున్నాయి.