ఏపీ హోం మంత్రి అనిత అల్లూరి సీతారామరాజు జయంతి సందర్భంగా నివాళులు

ఏపీ హోం మంత్రి వంగలపూడి అనిత అల్లూరి సీతారామరాజు 129వ జయంతి సందర్భంగా నక్కపల్లిలో ఆయన విగ్రహానికి నివాళులు అర్పించారు. మండల ప్రజా పరిషత్ కార్యాలయం వద్ద జరిగిన ఈ కార్యక్రమంలో ఆమె మాట్లాడారు.

అల్లూరి సీతారామరాజు యువతకు స్ఫూర్తిగా నిలవాలని, ఆయన త్యాగం తెలుగు జాతి ఉన్నంతవరకు గుర్తుంటుందని అనిత తెలిపారు. ఈ జయంతిని రాష్ట్ర ప్రభుత్వం రాష్ట్ర పండుగగా నిర్వహిస్తోందన్నారు. ముఖ్యమంత్రి చంద్రబాబు నాయుడు ఆదేశాల మేరకు కేడీపేటలోనూ ప్రభుత్వ స్థాయి వేడుకలు జరిగాయని ఆమె వివరించారు. స్వాతంత్ర్యం కోసం చిన్న వయసులోనే ప్రాణత్యాగం చేసిన అల్లూరి త్యాగాన్ని యువత ఆదర్శంగా తీసుకోవాలని ఆమె పిలుపునిచ్చారు.