AP లో 1,000 మినీ మార్ట్స్: NCCF తో MoU, మార్కెట్ కన్నా తక్కువ ధరలకు నిత్యావసరాలు

ఆంధ్రప్రదేశ్‌లో 1,000 మినీ మార్ట్స్ ఏర్పాటు చేయాలని నిర్ణయించారు. ఈ లక్ష్యంతో పౌరసరఫరాల శాఖ కార్పొరేషన్‌కు, నేషనల్ కోఆపరేటివ్ ఎక్స్‌పోర్ట్స్ అండ్ ఇంపోర్ట్స్ ఫెడరేషన్ (NCCF) కు మధ్య MoU కుదిరింది.

ఈ మినీ మార్ట్స్‌లో కందిపప్పు, మినప్పప్పు, మిల్లెట్స్ సహా నిత్యావసర వస్తువులు మార్కెట్ ధరల కన్నా తక్కువ ధరలకు అందుబాటులో ఉంటాయని తెలిపారు. NCCF దేశవ్యాప్తంగా భారత్ బ్రాండ్ పేరిట వస్తువులు అందిస్తుంది. ఈ తరహా కార్యక్రమం దేశంలో ఇదే తొలిసారి అని పేర్కొన్నారు.

ఈ సమావేశంలో అరకు కాఫీ విషయం కూడా చర్చకు వచ్చింది. దేశవ్యాప్తంగా ఉన్న మిలిటరీ క్యాంటీన్‌లలో అరకు కాఫీని వెంటనే అందుబాటులోకి తీసుకొస్తామని NCCF తెలిపింది. గిరిజన కోఆపరేటివ్ కార్పొరేషన్ ద్వారా ఈ కాఫీని సేకరించి సరఫరా చేయాలని నిర్ణయించారు.

ఈ కార్యక్రమం కేంద్ర ప్రభుత్వ సహకారంతో అమలు చేస్తున్నట్లు మంత్రి నాదెండ్ల మనోహర్ తెలిపారు.