నేడు AP Cabinet సమావేశం: అమరావతి అభివృద్ధి ప్రతిపాదనలపై చర్చ

ఆంధ్రప్రదేశ్ Cabinet సమావేశం ఇవాళ ఉదయం 10:30 గంటలకు సచివాలయంలో జరగనుంది. ముఖ్యమంత్రి చంద్రబాబు నాయుడు అధ్యక్షతన జరిగే ఈ సమావేశం అమరావతి అభివృద్ధికి సంబంధించిన పలు అంశాలపై దృష్టి పెట్టనుంది.

అమరావతి ఇన్నర్ రింగ్ రోడ్, రైల్వే లైన్ నిర్మాణం కోసం మొత్తడక గ్రామంలో 2,340 ఎకరాల భూమిని ల్యాండ్ పూలింగ్ కింద తీసుకునే ప్రతిపాదనకు ఆమోదం లభించే అవకాశం ఉంది. పల్నాడు జిల్లాలోని 244.39 ఎకరాల ఇనాం భూములను దేవాదయ శాఖ నుంచి CRDA కు బదిలీ చేసేందుకు ₹122 కోట్ల చెల్లింపు ప్రతిపాదన కూడా Cabinet ముందుకు రానుంది.

హ్యాపీ నెక్స్ట్ గృహ నిర్మాణ ప్రాజెక్టుకు సంబంధించి AP RERA కు చెల్లించాల్సిన రెన్యూవల్ ఫీజును రద్దు చేసే అంశం చర్చకు రానుంది. అమరావతిలో 9 మెగావాట్ల సామర్థ్యంతో డేటా సెంటర్ల నిర్మాణం, 20 ప్రాంతాల్లో 5G సెల్ టవర్ల ఏర్పాటుకు టెండర్లు పిలవడానికి అనుమతి ఇవ్వబోతున్నారు. PPP విధానంలో రోప్వే ప్రాజెక్ట్ అమలుకు కన్సల్టెన్సీ నియామకం, క్వాంటం వ్యాలీ ప్రాజెక్ట్ లో భాగంగా ₹125 కోట్లతో 18 అంతస్తుల రెండు టవర్ల నిర్మాణం LMT కి అప్పగించే ప్రతిపాదనలు కూడా ఈ సమావేశంలో ఉన్నాయి.

ఈ అన్ని ప్రతిపాదనలపై ఇవాళ నిర్ణయాలు వెలువడే అవకాశం ఉంది. CRDA ద్వారా అమరావతి మౌలిక సదుపాయాల విస్తరణకు ప్రాధాన్యత ఇస్తున్నట్లు తెలుస్తోంది.